Скопскиот Апелациски суд ја одби жалбата на обвинетиот Анџело Ѓорѓиевски за убиството на хрватскиот ракометар Денис Тот како неоснована, па тој ќе треба да издржи казна затвор во траење од 18 години.
Само делумно се уважени жалбите на Клементина Лефковска и Андреј Костовски во досудениот износ на име нематеријална штета.
Инаку Клементина ќе издржи 18 години, а Костовски 16 години казна затвор.
Тројцата обвинетите се задолжени, солидарно, на мајката на починатиот Денис Тот, Т.Т., да и исплатат 4.000.000 денари.
Идентичен износ ќе треба да му исплатат и на И.Т., татко на починатиот ракометар, додека на неговиот брат Б.Т., треба да му исплатат 3.000.000 денари.
Денис Тот (27), кој настапуваше за македонскиот суперлигаш Бутел, почина на 8 април 2022 откако бил претепан пред ноќен клуб во Градски парк.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
