Една од најголемите НБА-ѕвезди, Леброн Џејмс се огласи по срцевиот застој на неговиот син Брони пред неколку денови.
На младиот кошаркар му се слоши на тренинг по што итно беше префрлен во болница и по укажаната лекарска помош го напушти одделението за интензивна нега. Неговата состојба сега е стабилна, па Леброн почувствува потреба да се заблагодари на сите пораки со поддршка.
„Сакам да се заблагодарам на сите кои праќаа пораки со љубов и молитви до моето семејство. Ве чувствувавме сите и многу сум ви благодарен. Нашето семејство е заедно во овие моменти, сигурни сме и здрави, ја чувствуваме вашата љубов. Ќе кажеме повеќе за се ова кога ќе бидеме подготвени, а сега сакав само да ви кажам колку многу ни значи вашата поддршка“ – порача Леброн Џејмс преку социјалните мрежи.
Инаку, Брони Џејмс е член на Универзитетот на Јужна Калифорнија. Се очекува за некоја година да биде драфтуван во НБА.
I want to thank the countless people sending my family love and prayers. We feel you and I’m so grateful. Everyone doing great. We have our family together, safe and healthy, and we feel your love. Will have more to say when we’re ready but I wanted to tell everyone how much your…
— LeBron James (@KingJames) July 27, 2023
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
