Кадетската репрезентација на Македонија за кошаркари до 16 години претрпе преубедлив пораз во рамките од второто коло од силниот турнир во Скопје, од селекцијата на Грција со резултат 52-91. Ако вчерашниот пораз од Израел беше минимален и апсолутно незаслужен, денеска можеше да се проследи бледо издание на нашите млади кошаркари кои беа целосно надиграни од противникот и загубија со преубедливи 39 поени разлика.
Првиот период заврши со предност на грчките млади кошаркари од 19-27, а Македонија целосно парираше во вторите десет минути што противникот ги доби со минимални 16-17. За жал, тоа беше се што младите кошаркари на селекторот Јованчев успеаја да сторат. Грците целосно доминираа во второто полувреме, а особено катастрофални беа нашите последни 10 минути, во кои Македонија постигна само четири поени (4-22).
Ивановски со 17 поени беше единствениот со двоцифрен ефект во македонскиот табор, каде Ѓорѓевиќ додаде осум, а Терзиевски седум поени.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
