Џанлуиџи Буфон денеска и официјално му кажа збогум на фудбалот, а зад неговото име остануваат запишани 1175 одиграни натпревари и вкупно 983 примени голови.
За нас интересно, меѓу петмината фудбалери кои му имаат дадено најмногу голови на италијанскиот чувар на мрежата е и нашиот Горан Пандев. Македонецот кој во Италија настапуваше за Лацио, Интер, Наполи и за Џенова вкупно шест пати успеа да го матира Буфон во кариерата, а за спомен остануваат овие две ремек-дела, по едно во дресот на „лацијалите“ и на „наполитанците“.
Прв на оваа фантастична топ-листа е Франческо Тоти, легендата на Рома во својата кариера 11 пати го матираше Буфон, еднаш повеќе во однос на Кристијано Роналдо.
Треторангиран на листата е Кристијан Виери со вкупно осум гола во мрежата на Буфон, а на делба на четвртото место со Пандев се наоѓа Мауро Икарди, со шест погодоци против легендарниот голман.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
