Фудбалерите на Ки Клаксвик од Фарските острови приредија сензационален, историски резултат со пласманот во 3. коло од квалификациите за Лигата на шампионите. По Ференцварош, го елиминираа и шампионот на Шведска, Хакен (по пеналите) па последна препрека пред плеј-офот во Лигата на шампионите им е норвешкиот шампион Молде.
Апсолутен херој, не само на Клаксвик, туку и низ досегашниот тек на квалификациите е 31-годишниот напаѓач Арни Фредериксберг кој извонредно го води својот тим. Клаксвик и во двата меча, и со Унгарците и со Швеѓаните, на домашен терен одигра без голови и пласманот во следните рунди го обезбедуваше на гостински терен.
Феноменално славеа против Ференцварош среде Будимпешта со 0-3, а потоа и на Хакен му дадоа три гола на гости во ремито (3-3) а потоа на пенали продолжија понатаму. Од тие вкупно шест гола на тимот, пет се дело на Арни Фредериксберг, два против Ференцварош и хет-трик постигна во Гетеборг.
Со пласманот во третата рунда квалификации за ЛШ, Ки Клаксвик веќе успеа што ниту еден клуб од оваа земја досега – обезбеди групна фаза во некое од УЕФА натпреварувањата оваа есен. Ако тоа не биде Лигата на шампионите, ќе биде Лигата на Европа, а во најлош случај им следи играње во Конференциската лига која веќе ја обезбедија.
Своите натпревари ги играат на стадионот „Џупумира“ кој е со капацитет од 2.000 седишта. Па тука, окован со снег и мраз во сезоната кога ќе стартува групната фаза, Клаксвик ќе ги пречекува своите противници во обидот да запише и нова историја за себе и за Фарските острови.
Tears. Tears of joy.
What a team. What a Club. What a town. What a story. Amazing support.
This is unreal.
— KÍ (@KI_Klaksvik) August 2, 2023
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
