Украинецот Валериј Степаненко е најновото десетто засилување на Брегалница за новата сезона во Првата македонска фудбалска лига.
24-годишниот Степаненко, кој игра на централната дефанзивна позиција, во Брегалница доаѓа од редовите на романскиот Виторул каде настапуваше изминатава сезона.
Претходно во својата кариера Степаненко има настапи и за украинските Александрија и Оболон, казахстанскиот Мактарал, како и тимот на Калев во Естонија.
Претходно, Брегалница се засили и со дефанзивецот Самал Дикенс од Панама, фудбалерот од средниот ред Филип Стојчевски од Силекс, репрезентативците на Јамајка, Колин Андерсон и Роналдо Вебстер, Грузиецот Лука Робакидзе, офанзивецот Фабрицио Венегас од Костарика, голманите Мартин Давков и Кире Новаков, како и десниот бек Ване Јованов, кои се повратници меѓу „сините“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
