Екипата на Пролет со денешниот тренинг го означи стартот на подготовките за новата натпреварувачка сезона во која влегува со исти амбиции, најпрвин влез во плејофот, а потоа и борба за место кое води во ракометна Европа.
На првата прозивка на тренерот Лембанов присуствуваа сите ракометари, вклучувајќи ги и новите засилувања на тимот, Филип Арсеновски и Антонио Николовски, кои ќе бидат значително освежување за пивотменската позиција, како и за играта во одбрана на Тинекс Пролет.
Предвидено е тимот да тренира по два пати дневно, потврдено е учеството на Пролет на турнирот во Прилеп, а наскоро ќе бидат договорени и преостанатите пријателски натпревари во овој подготвителен период.
Тинекс Пролет во првото коло од новата сезона, на почетокот од месец септември ќе го пречека составот на Вардар Неготино.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
