Баерн Минхен постигна договор за потписот на Хари Кејн од Тотенхем. Германскиот гигант се обидуваше да го ангажира Кејн неколку недели и конечно постигнаа договор откако Тотенхем ја прифати понудата за која се верува дека вреди повеќе од 86,4 милиони фунти.
Сега останува само Кејн да одлучи дали ќе се пресели или не на „Алијанц Арената“. Кејн сакаше да ја реши ситуацијата пред патувањето на Тотенхем во Брентфорд овој викенд, а по неуспешните понуди и неколку рунди разговори, Баерн конечно успеа да се договори со премиерлигашот.
Веста за договорот на Баерн и Тотенхем може да го поттикне Кејн да си замине од клубот. 30-годишниот играч во моментов има уште една година од договорот со Спарс и се уште не покажал никакви индикации за својата долгорочна иднина, иако Даниел Леви сака да го врзе нивниот водечки стрелец со нов договор.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
