Францускиот голман Хуго Лорис преговара за трансфер во Лацио, соопштува „РМЦ Спорт“. Французинот имаше договор до 2024 година, но ова лето Тотенхем му овозможи да биде слободен агент.
Лорис е заинтересиран да биде дел од Лацио, кој сезонава ќе биде дел од Лигата на шампионите. 36-годишниот голман претходно беше поврзуван со трансфер во Реал Мадрид, како замена за повредениот Тибо Куртоа кој ќе паузира 7-8 месеци.
Лорис беше дел од Тотенхем 11 години, по неговиот трансфер од Лион. Покрај него, лондонскиот тим ќе го загуби и Хари Кејн кој денеска треба да потпише за Баерн Минхен.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
