Барселона новата сезона во шпанското првенство ја започна со реми без голови на гостувањето кај Гетафе во натпревар во кој Рафиња и Чави добија два црвени картони.
Шпанскиот стратег изрази големо незадоволство по крајот на натпреварот коментирајќи го и недосудениот пенал во самата завршница. На повик од ВАР собата судијата Градо во 104. минута прегледа недозволена игра во шестнаесетникот, но одлучи да не досуди пенал бидејќи претходно со рака играл Гави.
„Многу работи може да се кажат за нашата игра и пристапот на овој меч. Свесни сме за грешките кои ги направивме и знаеме дека моравме подобро. Меѓутоа, тоа не може да биде оправдување за тоа што судиите ни го направија. Морате да бидете искрени и да признаете дека судијата со својата одлука во последните секунди ни ја украде можноста да победиме. Измислија играње со рака на Гави само за да не биде досуден пенал. Сметам дека арбитрите треба да излезат пред јавноста и да ја објаснат својата одлука“, изјави Чави кој прати и порака до претседателот на шпанскиот фудбал.
„Мојата порака до Хавиер Тебес е дека Цезар Сото Градо целосно ја загуби контролата над мечот и предизвика голем срам. Производот кој и го нуди Ла Лига на јавноста е очаен. Не е ни чудо што веќе никој не сака да гледа шпански фудбал“
I feel cheated. They did an INEC on barca fans. Xavi and Gavi deserved better than a share of the spoil. Araujo was spot on as usual. Abde had a great second half too. Barca deserved more because Getafe didn’t come to play football! pic.twitter.com/kTi7EhcNuw
— Pepsi, ACA 💙❤ (@Pepsi_addict__) August 14, 2023
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
