Аргентинскиот интернационалец Леандро Паредес, одново е играч на Рома, откако италијанскиот тим го откупи од ПСЖ за 4 милиони евра. „Волчицата“ утрово и официјално го објави трансферот.
Светскиот шампион од Катар го почнува својот втор „мандат“ на „Олимпико“. Пред девет години првпат играше за Рома.
Договорот на Паредес е до летото 2025 година. Во меѓувреме играше за Киево, Емполи и Јувентус. Интерес имаше и од Галатасарај, но на крајот се одлучи да се врати во римскиот клуб.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
