Олга Кармона доживеа вистински животен „бродолом“ само моменти откако и ја донесе на Шпанија светската фудбалска титула постигнувајќи го единствениот погодок за победа од 1-0 против Англија во финалето на Светското првенство.
Веднаш по мечот и било кажано дека нејзиниот татко починал веднаш по натпреварот против Англија. За сето тоа веднаш по финалето преку социјалните мрежи информираше и Шпанската фудбалска федерација.
„Фудбалерката ја дозна тажната вест по финалето на Светското првенство. Ги испраќаме нашите најискрени прегратки до Олга и нејзиното семејство во момент на длабока болка. Те сакаме, Олга, ти си засекогаш во историјата на шпанскиот фудбал“ – соопштија од Шпанската федерација.
А, 23-годишната Кармона претходно го прослави голот откривајќи порака на нејзината маица на која пишуваше „Мерчи“, за која рече дека е почит кон пријателка чија мајка претходно починала.
⚫️ PÉSAME | La @RFEF lamenta profundamente comunicar el fallecimiento del padre de Olga Carmona. La futbolista ha conocido la triste noticia una vez concluida la final de la Copa del Mundo.
Mandamos nuestro abrazo más sincero a Olga y a su familia en un momento de profundo… pic.twitter.com/BSe2XmUrVF
— RFEF (@rfef) August 20, 2023
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
