Навивачката група на Вардар, Комити се огласија по повод поразот од Воска со 3-2. Фановите на најтрофејниот македонски клуб истакнуваат дека не им дале поддршка на играчите, туку опомена дека не смеат да ги минат црвените линии.
Вардар вчера загуби од Воска Спорт во Охрид со 3-2, и го запиша и третиот пораз во третиот натпревар во новата сезона, со што „Комити“ се огласија на социјалните мрежи.
„Ниту забраната за гостување, ниту резултатите на клубот, нема да не спречат!
Вчерашниот натпревар заврши со молк. На фудбалерите не им дадовме поддршка туку опомена и дознаење дека не смеат да си дозволат, да ги преминат нашите црвени линии.
Нас нѐ не болат резултатите, туку играта и најголемиот наш пораз не е во немањето бодови, туку во немањето желба. Тоа е она што мора да се промени!
Но важно е секој наш член, секој Вардарец, сега кога е најтешко да застане зад клубот. Свесни сме дека сме сами, но свесни сме и дека само сплотени можеме да стигнеме до целта.
Во среда (23.08.2023), на стадионот “Борис Трајковски”, потребна е силна поддршка од наша страна. Затоа, не се мисли, не барај изговор – дојди и биди тука, зошто сега е тешко, сега сме најпотребни!
Во среда не постои друга опција, освен победа против Силекс!“, стои во објавата на „Комити“.
На два дена пред дуелот со Воска, во Вардар се случија потреси. Заминаа спортскиот директор Александар Бајевски и целиот стручен штаб. Хаџиевски и Бабунски го водеа тимот во неделата.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
