Фенербахче е безмалку сосема извесно во групите од Конференциската лига на УЕФА откако во првиот натпревар од плејофот пред своите навивачи славеше убедливо против холандски Твенте со 5-1.
Твенте прв поведе со голот на Угалде во 20. минута а потоа се беше во знакот на турскиот тим.
Остерволде израмни уште пред полувремето, за да потоа Шимански во 60. минута зголеми на 2-1. Следеа потоа два гола на Кавечи, и на крај во самиот финиш Тадиќ од пенал заокружи на 5-1.
Фиорентина загуби со 1-0 на гостувањето против Рапид Виена. Стрелец на единствениот гол за Австријците беше Грул од пенал во 35. минута.
Романски Сепси ремизираше на домашен терен (2-2) против норвешки Бодо Глимт.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
