Кошаркаската репрезентација на Грција имаше големи надежи ова лето на Мундобаскетот кој се одржува во Јапонија, Индонезија и Филипини. На турнирот заминаа значително ослабени без услугите на Јанис Адетокумбо, а од составот отпадна и Констатинос Митоглу.
Митоглу беше еден од најважните играчи за оваа репрезентација, но се повреди во „5 до 12“ и ќе го пропушти Мундијалот.
Играчот се повреди на еден од последните тренинзи. Станува збор за скршеница на малиот прст на левата рака, и тој ќе го пропушти целиот турнир. Ова го потврди и кошаркарскиот сојуз на Грција.
За да биде ситуацијата полоша, списокот е веќе затворен, така што останува нашиот јужен сосед да остане со 11 играчи. Грција е во групата со САД, Јордан и Нов Зеланд.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
