Нашиот поранешен најдобар фудбалски судија, Емил Божиновски, сега во групата на највлијателни контролори на судењето во Европа, од страна на Судиската комисија на УЕФА е одреден да го контролира судњето на реванш мечот од плеј оф на Лига на Европа во Прага меѓу Спарта и Динамо од Загреб.
Како што е познато во првиот натпревар Динамо победи со 3:1. Средбата ќе се одигра на 31 август.
Во последните два месеци Божиновски е доста ангажиран на меѓународната сцена. Пред две недели беше контролор во Полска на реванш мечот од второто коло од Лигата на шампионите меѓу екипите Раков и Карабах од Азербејџан /3:2/, пред тоа патуваше за Андора каде го контролираше судењето во Конференциската лига меѓу клубовите Санта Колома и Аз Алкар од Холандија.
М.М.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
