Легендарниот италијански голман Џанлуиџи Буфон, само неколку недели по пензионирањето, ќе има нова улога во италијанската репрезентација. Тој официјално ќе биде шеф на делегацијата на италијанската репрезентација, и своето „деби“ во новата улога ќе го има во Скопје, во дуелот со Македонија.
Буфон во Скопје тогаш со Италија победи, додека на реваншот во Торино беше 1-1. Буфон претходно во Скопје гостуваше со Парма против Победа, со што ова ќе му биде трето гостување во земјата, а прво откако се откажа од фудбалот.
„Првиот натпревар ќе го доживеам како и секогаш. Јасно е дека ќе има силна емоција, но кога бев на теренот е поинаку отколку сега кога сум само како гледадч. Се чувствувам многу добро во оваа нова улога, и ќе се обидам да направам многу добри работи“, изјави легендарниот италијански голман и додаде:
„Сега мојата улога е порелаксирана, но знам дека ќе имам обврски, па дури и ќе можам да делам совети согласно моето искуство. Она што ми се допаѓа е тоа што се враќам во средина која ја познавам веќе 30 години“, рече Буфон.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
