Сензацијата на Светското првенство кое оваа година се одржа во Филипини, Индонезија и Јапонија, летонскиот репрезентативец Артурс Жагарс е мета неколку клубови кои настапуваат во најсилното кошаркарско првенство на „стариот континент“, Евролигата.
Кошаркарот роден во 2000 година имаше фантастичен настап предводејќи ја Летонија до сензационалното петто место со просек од 12.4 поени и 7.4 асистенции, место кое е големо изненадување со оглед на тоа што балтичната држава настапи без НБА ѕвездата Криштапс Порзингис.
За Жагарс постои интерес од Партизан, Басконија, Жалгирис и Фенебахче, а се чини дека Летонецот е најблиску до гигантот од Истанбул. Евролигашкиот шампион на сезоната 2016/17 му понудил тригодишен договор со тоа што младиот плејмејкер следната сезона ќе ја помине на позајмица во литванскиот прволигаш Волвс со можност за премин во Фенебахче во било кој момент.
🇹🇷🤝Fenerbahce Beko agreed on a three-year deal with Arturs Zagars. Informed by @macijauskas8.
He will be loaned to Wolves BC for the season and if the Turkish side want him they can bring him back during the season. #Fenerbahce #FenerbahceBeko #euroleague #latvia #FIBAWC… pic.twitter.com/3TuRjtIput
— Christos Harpidis (@chrisalucard) September 11, 2023
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
