НБА кошаркарот Теренс Рос изјави дека Партизан би бил единствениот клуб надвор од НБА за кој би можел да игра.
Кошаркарот на Феникс Санс со недели беше поврзуван со црно-белите, но не е постигнат напредок по тоа прашање.
Поранешниот освојувач на натпреварот во забивање на „ол-стар“ викендот, откри дека Партизан и Србија му биле единствените опции надвор од НБА.
„Мојата сопруга и нејзиното семејство се од Србија. Иако многу од нив се преселиле низ светот, сите се од поранешна Југославија. Имам многу пријатели и семејство таму, мојата сопруга често ги носи своите деца во Србија. Ако се укаже можност да се вратам во Србија со моето семејство и да живеам таму одреден временски период, тоа е нешто за што дефинитивно би размислувал, бидејќи има огромна сентиментална важност за мен. Тоа е единствената опција надвор од НБА“, рече Рос.
Рос беше осми пик на драфтот во 2012 година, избран од Торонто Репторс, а потоа играше за Орландо Меџик и Феникс Санс.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
