Уште две квалитетни партии на Јани Атанасов во средниот ред на националниот тим, веќе сериозно наметнувајќи се како неизбежна алка на средината од теренот.
Атанасов, по синоќешната победа од 0-2 на гостувањето против Малта, не го криеше задоволството од победата нагласувајќи дека овој тим секогаш игра добро кога е под притисок.
„Дадовме се од себе, сите заедно како екипа компактно, за да дојдеме до посакуваната победа. Покажавме дека кога сме под притисок сме навистина силни, и дека знаеме да се носиме со притисокот против било кој противник. Кога се игра за Македонија јасно е дека секогаш мора да се даде максимумот“ – вели Атанасов, и дополнува:
„Пресуди тоа што бевме компактни и што се исполнија задачите на селекторот посебно во првото полувреме кога бевме ефективни и во завршницата. Имавме шанси и за поубедлива победа, но на крај заслужени три бода“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
