Стартува првиот меѓународен детски турнир „Илинден Куп 2023“ (ВИДЕО)

Со свеченото отворање денеска стартуваше првиот меѓунарoден фудбалски турнир „Илинден Куп 2023“ кој за првпат од ваков ранг се организира во Македонија.

На турнирот, кој ќе се одржува до недела во организација на фудбалската школа „Грозданоски“, ќе учествуваат 115 екипи од Србија, Белгија, Романија и секако Македонија, за деца на возраст од 8 до 12 години.

Белгиските Андерлехт како и Жерминал Бершот, белградски Партизан, новосадска Војводина, Раднички Ниш, но и бројни екипи од Романија ќе бидат дел од турнирот заокружувајќи го силното интернационално ниво уште во првата година од неговото одржување.

„Ова прв турнир од ваков тип, кој искрено се надеваме дека во иднина ќе прерасне во традиционален со дополнителен свој развој низ секоја година одржување“ – велат организаторите на турнирот, од фудбалската школа „Грозданоски“, сопственост на едно од најистакнатите македонски фудбалски имиња Влатко Грозданоски.