Џуд Белингем ова лето оствари трансфер вреден 103 милиони со бонуси од Борусија Дортмунд во Реал Мадрид и веднаш се наметна во „кралскиот“ тим. На пет одиграни натревари забележа пет голови предводејќи го новиот клуб до пет победи.
За младиот 21-годишен Англичанец во суперлатив говореше Рио Фердинанд, англиската фудбалска легенда кој го спореди со Џерард, Лампард и Сколс.
„Ќе го споредам со Џерард, Лампард и Сколс. Но ќе додадам и дека ниеден од нив во тие години не го правеше тоа што Белингем го прави сега.
Ќе се изненадам доколку до крајот на кариерата не освои барем една, а можеби и две или три Златни топки. Имаше играчи чии способности се изразуваа на исти или поголеми размери, меѓутоа најважно од се мислам дека не постоело дете со таков менталитет. Несомнено замина во Реал Мадрид и е нивни најдобар играч во привте четири, пет натпревари“, изјави Фердинанд.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
