Грчкиот кошаркарски тим Олимпијакос на свечена церемонија посветена на легендарниот Васисилис Спанулис, одлучи да биде повлечен бројот 7 во негова чест.
Спанулис со своето семејство ја следеше оваа церемонија, откако неговиот дрес беше подигнат. Екс кошаркарот оваа вечер ја окарактеризира како најдобрата во неговата кариера.
-Никогаш нема да ја заборавам оваа вечер. Ова е најважниот ден во мојата кариера, покрај шампионските титули, им се обрати тој на навивачите на крајот од церемонијата.
На церемонијата во „Мир и пријателство“ присуствуваше и првиот човек на македонската федерација Перо Антиќ, како и други поранешни и сегашни кошаркарски ѕвезди: Саша Везенков, Дејан Бодирога, Никос Зисис, Ник Калатес, Софокле Шорцијанитис, Димитрис Итудис и Јанис Сферопулос. Поранешните соиграчи и ривали, како и љубителите на неговата кариера и достигнувања, како што се НБА ѕвездите Никола Јокиќ и Лука Дончиќ, до Спанулис испратија видео пораки.
Спанулис најголем дел од кариерата го мина токму во Олимпијакос. Тој во моментов е во улога на тренер на Перистери.
Vassilis Spanoulis
V-Span
Kill Bill
Thank you my god
❤🤍 pic.twitter.com/HKp4GG9Dzh— Alessandro Luigi Maggi (@AlessandroMagg4) September 17, 2023
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
