Повеќе од интересно 8. коло во Првата македонска фудбалска лига во кое во дербито АП Брера и Силекс ремизираа во Струмица, Шкендија славеше со Македонија ЃП а Шкупи на гостувањето против Воска спорт во Охрид. Тиквеш со гол во 90. минута дојде до победа од 2-1 против Брегалница во Кавадарци, а во дербито на дното Гостивар го победи Вардар со 0-2 во Скопје.
Силекс испушти триумф против АП Брера во Струмица откако имаше предност од 0-1 по првото полувреме, а Анѓелески во 58. минута промаши и пенал и за 0-2 за гостите. Па, струмичани потоа во 76. минута дојдоа до бода со голот на Трајков.
Во 59.минута одлична шанса за дуплирана предност на Силекс кој одлично играше до овој дел од мечот. Но, Анѓелески не успеа да реализира пенал, а потоа и Ристовски заработи и втор жолт картон и исклучување кај Силекс.
Па, сето тоа донесе израмнување во 76. минута. Стрелец на голот за АП Брера беше Трајков за 1-1.
Шкупи со пресврт дојде до триумф од 2-3 на гостувањето против Воска спорт во Охрид. Откако домашните поведоа по само 11 секунди игра, веќе во 13. минута Шкупи дојде до израмнување и тоа благодарение на трагикомичната реакција на голманот на Воска, Хадис Велии.
Претходно, Воска Спорт дојде до предност со голот на Марушиќ уште во 11. секунда од натпреварот.
А, Шкупи уште пред полувремето успеа да дојде до целосен пресврт со голот од пенал на Дуду во 33. минута за 1-2.
Во второто полувреме со голот на Воша во 53. минута, Шкупи дојде до предност и од 1-3.
За да, домашните успеат само да го ублажат поразот со голот на Марушиќ од пенал во 82. минута.
Тиквеш во Кавадарци дојде до неверојатна пресврт победа од 2-1 и покрај тоа што имаше негатива од 0-1 по првото полувреме против Брегалница. Штипјани до предност дојдоа во 28. минута од средбата со голот на Колин Андерсон. Брза акција на гостите, одлична асистенција на Роналдо Вебстер, а Андерсон со глава одлично погоди за водство од 0-1.
Сепак, по грешката на Лвалива домашните преку Спахиу во 59. минута дојдоа до израмнување на 1-1.
Штипјани имаа одлична можност за ново водство, но Венегас во 69. минута не реализираше пенал за победа.
Е, кога не се реализараше пеналот следеше казната на спротивната страна, па Тиквеш со голот на Иван Ивановски во 90. минута дојде до победата од 2-1.
Шкендија дојде до триумф од 1-0 против Македонија ЃП благодарение на голот на Чинари во 59. минута.
Гостивар, пак, со 0-2 славеше на гостувањето против Вардар по првите 45 минути игра. Кехинде со голот во 31. минута ги донесе гостите до предност, а потоа во 88. минута и конечни 0-2.
Струга ТЛ славеше со 1-0 против Работнички благодарение на голот на Камбери во 50. минута.
Бесарт Ибраими во четвртата минута од судиското продолжение, буквално во последните мигови од првиот дел, промаши пенал за водство на Струга ТЛ против Работнички.
ПМФЛ – 8. КОЛО
Струмица: АП БРЕРА – СИЛЕКС 1-1
Трајков 76′ – Ѓорѓиевски 25′
Кавадарци: ТИКВЕШ – БРЕГАЛНИЦА 2-1
Спахиу 51′, Ивановски 90′ – Андерсон 28′
Охрид: ВОСКА СПОРТ – ШКУПИ 2-3
Марушиќ 1′, 82′(п) – Сахити 13′, Дуду 33′(п), Воша 53′
Тетово: ШКЕНДИЈА – МАКЕДОНИЈА ЃП 1-0
Чинари 59′
Струга: СТРУГА ТЛ – РАБОТНИЧКИ 1-0
Камбери 50′
Скопје: ВАРДАР – ГОСТИВАР 0-2
Кехинде 31′, Закпа 88′
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
