Матео Ковачиќ заработи повреда пред евро квалификациите за Хрватска и ги пропушти натпреварите против Летонија и Ерменија, а рехабилитацијата оди поспоро отколку што се очекуваше.
Првичните информации говореа дека станува збор за повреда на грбот, но новите информации од Англија тврдат дека проблемот е во бутниот мускул, повреда која е посериозна и за која треба подолг третман откри и Пеп Гвардиола.
„Мислам дека наскоро ќе се врати на теренот. Одработи неколку тренинзи, но мора да бидеме претпазливи бидејќи станува збор за повреда на пределот на ногата која е поризична отколку на други места. Медицинскиот тим ќе процени кога ќе биде подготвен за настап“, изјави Гвардиола.
Според анализите на англиските медиуми враќањето на Ковачиќ е од големо значење за Манчестер Сити поготово во ситуација кога тимот е без повредениот Бернардо Силва.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
