Охрид доби нова спортска приказна – Повеќе од 100 натпреварувачи од седум земји на „Пештани Екстрим Вертикал“ (ФОТО)

Изминативе денови во Пештани, крај Охрид, се одржа првата меѓународна трка во планинско трчање „Пештани Екстрим Вертикал 2023“ на која на главниот настан учествуваат 42 натпреварувачи од шест земји.

На првото издание на оваа трка учествуваа натпреварувачи од Холандија, Албанија, Србија, Полска, Англија, Белгија и Македонија, а најдобар севкупен пласман оствари претставничката од Холандија, ЕФФ Ван Донген.

„Со многу љубов енергија и посветеност зачекорвме кон создавање на една нова спортска приказна во градот Охрид, поточно во Пештани. ‘Пештани Екстрим Вертикал’ претставува трка во планинско трчање која се одвива во срцето на Националниот парк Галичица“ – информираат организаторите на трката, притоа дополнувајќи:

„Трката започнува во подножјето на планината, од центарот на селото Пештани и се движи по директна вертикална линија по западниот дел на Галичица. Несекојдневната патека каква што ретко може да се најде на плананината Галичица, завршува во близина на врвот (Бугарска чука) – Чумо Влага, на околу 1801 метри надморска висина. Станува збор за дводневен настан исполнет со голем број активности. За сите оние кои се во потрага по Вертикал, кои ја сакаат природата и екстремното и сето тоа во склоп на викенд уживање, тогаш Пештани Екстрим Вертикал е вистинскиот избор. Нашата главна цел привлекување на “outdoor” заедницата од нашата земја и од странство оваа година и покрај прво издание на настанот може да се пофалиме дека покрај натпреварувачи од Македонија, имавме учесници од Холандија, Албанија, Србија, Полска, Англија и Белгија. Исто така една од нашите цели е и едуцирање на најмладите. Преку детска трка којашто е целосно бесплатна и која ја организиравме на првиот ден од настанот сакаме да ги едуцираме најмладите за придобивиките кои ги носи спортот, неговите вредности, да научат да ја сакаат природата, важноста на дружењето и социјализацијата и активниот начин на живот“.

На детската траил трка на која учество зедоа околу 60 деца од Македонија, Полска и со што уште од прва година трката доби меѓународен карактер. Наградите за најдобрите во Детската Траил трка ги доделија, директорот на трката Дејан Ангелоски, членови на организација на Пештани Екстрим Вертикал и претставници од компании подржувачи на настанот.

РЕЗУЛТАТИ – ПЕШТАНИ ЕКСТРИМ ВЕРТИКАЛ 2023
Пласман во женска конкуренција
1. Ефф Ван Донген-Холандија 59:19.04
2. Елена Ртоска-Македонија 1:04,53
3. Сања Најдовски-Македонија 1:16,12

Пласман во машка конкуренција
1. Златко Николов-Македонија 59:34,06
2. Димитар Тодоровски-Македонија 1:01,13
3. Антонио Каранфилоски-Македонија 1:03,46

Во генерација 2012-2014 година учествуваа 30 деца

Најдобри во женска конкуренција:

1. Илијана Димитровска-МКД
2. Софија Атанасоска-МКД
3. Зофиа Височка-Полска

Најдобри во машка конкуренција:

1. Брент Ван Баелен-Белгија
2 Теодор Јовановски-МКД
3 Давид Аврамоски-МКД

Во генерација 2008-2011 година учествуваа 30 деца

Најдобри во женска конкуренција:

1. Симона Костоска-МКД
2. Анастасија Треноска-МКД
3. Милена Атанасоска-МКД

Најдобри во машка конкуренција:

1. Димитар Кецески-МКД
2. Дејан Цветкоски-МКД
3. Матеј Николовски-МКД