Новиот тренер на ПСЖ, Шпанецот Луис Енрике во суперлатив говореше за најдобриот фудбалер на францускиот шампион Килијан Мбапе.
Според Енрике францускиот голгетер е најдобриот фудбалер на светот и припаѓа во затворен круг од три до четири елитни фудбалери кои можат сами да го решат победникот.
„Пред да дојдам во ПСЖ мислев дека доволно го познавам Килијан како играч. Но, она што сега можам да го истакнам се неговите неверојатни технички и физички потенцијали поради кои без двоумење тврдам дека е најдобар играч во светот. Ова не го зборувам бидејќи сум негов тренер, туку поради сето она што го гледам. Исто така мислам дека припаѓа на затворен круг од три до четири елитни фудбалери кои сами можат да го решат мечот, а Мбапе е еден од нив“, изјави Енрике.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
