Менаџерот на Њукасл, Еди Хау беше воодушевен од победата на својот тим од 4-1 над ПСЖ во групата Ф во Лигата на шампионите. Призна дека не очекувал ваков резултат и ги пофали играчите за овој настап.
Њукасл дојде до четири бода во првите две кола во Лигата на шампионите, и сега им следува два меча со Борусија Дортмунд, кои може да бидат одлучувачки за англискиот тим.
„Неверојатна ноќ за нас, толку многу имаше што да се зборува по натпреварот. Среќен сум за клубот и за навивачите. Она што се случи е неверојатно. ПСЖ е толку добар тим, моравме навистина да играме добро. Бевме агресивни во првиот дел, што е наш белек. Презадоволен сум од играчите и навивачите кои беа обединети околу нас. Тактички беше тежок меч. Се сретнаа два добри тима. Моравме да се обидеме да воспоставиме рамнотежа, и да им ја отежнеме организацијата на нападите. Мислам дека публиката многу ни помогна“, изјави Хау.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
