Ракометарите ќе тестираат со Грција во ноември и во јануари

Ракометната репрезентација на Македонија ќе одигра две пријателски средби со Грција во текот на следниот месец, како дел од подготовките за претстојниот настап на ЕП 2024 во Германија.

Селекторот Кире Лазаров сака да ја искористи ЕХФ-седмицата на почетокот од ноември за да ги види на дело ракометарите кои се во комбинација за настап на ЕП, па постигнат е договор за одигрување на две средби во Солун против јужниот сосед, на 3 и на 4 ноември. Потоа, МАкедонија ќе го возврати гостопримството со два меча против истиот ривал во Скопје, на 4 и на 5 јануари.

Ова го потврди и Ракометната Федерација на Македонија, со планот за активностите кои во следниот период им претстојат на македонските машки ракометни селекции во сите возрасни категории, сениори, родени 2004 и помлади и родени 2006 и помлади:

Во период од  07ми и 08ми октомври 2023 година собир и селекција на машката ракометна репрезентација родени 2006 и помлади во СС Автокоманда;

Во период од 25.10.2023 до 29.10.2023 година машката ракометна репрезентација родени 2006 и помлади ќе учествува на меѓународен пријателски турнир во Романија, Трофеј Карпати заедно со селекциите на Египет, Романија и Црна Гора;

Во период од 30.10.2023 до 05.11.2023 во рамки на ЕХФ машката недела во соседна Р.Грција, машката сениорска ракометна репрезентација ќе одигра два пријателски контролни натпревари со селекцијата на Грција на 03ти и 04ти ноември 2023;

Во период од 30.10.2023 до 05.11.2023 во рамки на ЕХФ машката недела машката ракометна репрезентација родени 2004 и помлади ќе одигра  пријателски контролни натпревари со селекцијата на Турција во Анкара, Турција во период од 03ти и 05ти ноември 2023;

Во период од 14.12.2023 до 18.12.2023 година машката ракометна репрезентација родени 2004 и помлади ќе учествува на меѓународен пријателски турнир во Романија, Трофеј Карпати;

Во рамки на подготвителниот период пред учеството на EHF EURO 2024 во Германија,  машката сениорска ракометна репрезентација во Скопје ќе одигра два пријателски контролни натпревари со селекцијата на Грција  на 04ти и 05ти јануари 2024 година;

Во период од 04.01.2024 до 08.01.2024 година машката ракометна репрезентација родени 2006 и помлади ќе учествува на меѓународен квалификациски турнир кој ќе биде организиран во Скопје во СС Автокоманда, учесници на квалификацискиот турнир се репрезентациите на Косово, Словачка и Швајцарија, двете прво пласирани репрезентации ќе обезбедат учество на претстојното ЕП М18 2024 во Црна Гора;