ТФТ новата сезона во АБА2 лигата ја започна со пораз од Златибор во натпревар во кој српскиот тим имаше целосна контрола благодарение на неверојатната серија до 15-0 во првата четвртина. Истата донесе двоцифрена предноста која Србите ја задржаа до самиот крај за мирен финиш и победа.
Тренерот Боро Смилковски по натпреварот говореше за повредите кои му се случија на тимот во последните денови, а додаде и дека верува во тимот и подобар настап во иднина.
„Да не биде изговор, но дојдовме во Златибор со проблеми во ростерот. Горјан Марковски остана дома, тој е еден од нашите подобри домашни играчи. На првиот тренинг вчера останавме без Симонс, а денеска и без еден од подобрите играчи кои ги имаме Двејн Морган. Не можам да замерам на залагањето, енергијата. Имавме добри момент, но и некој дисфокус со пад на концентрација што е нормално за една млада екипа. Верувам, пред се во талентот на тимот и подобро издание на вториот натпревар доколку сме барем малку покомплетни од сега. Верувам дека ќе бидеме подобри во иднина. Сепак загубиме од тим кој е еден од главните фаворити за пласман во АБА“, изјави Смилковски.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
