Кристијано Роналдо се адаптираше на животот и стилот на игра во Саудиска Арабија, па португалската суперѕвезда сега размислува дури и да потпише нов договор со Ал Наср.
Португалецот е најплатен играч во светот со заработувачка од 200 милиони евра по сезона, по неколкуте врвни засилувања влезе во голгетерски и победнички ритам со Ал Наср, па сега сака и да ја продолжи соработката што истекува на крајот од 2025 година.
„Кристијано веќе имаше средба со раководството на клубот на која јасно стави до знаење дека сака да остане во клубот. Тој се чувствува одлично во Ал Наср, сите го знаат тоа и логично е соработката да продолжи. Желба на Роналдо е да игра на СП 2026, и во тој период да биде играч на Ал Наср“, изјави близок пријател на фудбалската суперѕвезда.
Кристијано Роналдо досега настапи на 36 средби за Ал Наср во сите натпреварувања, притоа постигнувајќи 31 погодок.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
