Антонио Конте беше многу блиску до преземање на кормилото на Наполи, но трофејниот стратег ја одби понудата на италијанскиот првак и реши да продолжи да ги „полни батериите“ минувајќи го целото време со своето семејство.
Тој во изјава за „Газета дело спорт“ обелодени дека одморот му е добредојден по серијата напорни ангажмани, но и дека размислува наскоро да му се врати на фудбалот.
„За мене стресот е гориво, притисокот ми дава мотивација да работам, така секоја победа ми е уште послатка. Постои позитивен и негативен стрес, се навикнав да бидам човек што ќе носи чиста енергија и адреналин. Тоа носи и голем стрес, затоа ми беше потребен одмор. Сега сум целосно исклучен од фудбалот, минувам време со семејството и со самиот себе. Продолжувам да работам на себе, да учам, за подобро да разберам како се менува нашиот спорт и како подобро да се снајдам во новите околности. Едно е сигурно, кога јас ќе се вратам, на другите ќе им биде потешко“, изјави Конте.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
