Обвинителството во Франција отвори истрага против фудбалерот на Ница, Јусеф Атал, откако тој наводно објавил антисемитско видео на социјалните мрежи поврзано со конфликтот во Израел и Газа, објави Би-Би-Си.
Атал ја избриша објавата на Инстаграм и се извини. Јавното обвинителство во Ница соопшти дека отворило прелиминарна истрага против Атал под обвинение за „одбрана на тероризам“.
Тој е под истрага за „јавно поттикнување омраза или насилство поради одредена религија“. Атал, кој има три милиони следбеници на Инстаграм, се извини по целиот настан:
„Свесен сум дека мојата објава ги шокираше луѓето, што не беше моја намера и се извинувам поради тоа“, напиша Атал.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
