Играчот на италијанската репрезентација и на Њукасл, Сандро Тонали признал пред италијанските власти дека се обложувал и на мечеви на Милан, додека бил играч на „росонерите“, пренесува „Газета дело спорт“.
Тоа е строго забрането со правилата на италијанската федерација и на италијанското законодавство, и со тоа играчот од средниот ред ризикува да добие висока казна. Кај него ситуацијата е специфична затоа што се обложувал на натпревари за Милан и тоа додека играл за нив.
Фудбалерот бил на распит вчера цели три часа. Тонали сега ја применува стратегијата на Николо Фаџоли од Јувентус, кој веќе се спогоди со обвинителите, и доби казна од седум емсеци. Меѓутоа ситуацијата со Тонали е сосема различна, и го чека казна до 18 месеци.
Тој ова лето од Милан се пресели во Њукасл за 65 милиони евра. Евентуално негово отсуство би било тежок удар за англискиот тим.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
