Италијанските медиуми пренесуваат дека фудбалерот од средниот ред Сандро Тонали ќе добие минимална казна од 16 месеци поради аферата „обложување“ во Италија. Се очекува конечната одлука да биде донесена до крајот на ноември, а покрај оваа казна, Тонали се соочува и со условна казна.
Максималната казна за овој случај може да биде три години, па затоа Тонали може да биде задоволен. Ако овие наоди се покажат како точни, тогаш играчот може да заборави на фудбал до 2025 година.
Тоанли призна дека се обложувал на фудбалски мечеви, и тоа на мечеви на Милан, за кои играше пред да замине во Њукасл. Неговата одбрана беше во тоа што се обложувал на дуелите на Милан во кои тој не учествувал.
Покрај него ќе биде казнет и Никола Заниоло, додека седумесечна забрана доби играчот на Јувентус, Никола Фаџоли.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
