Не е никаква тајна дека поголемиот дел од европските клубови и тоа како без задоволство ги ослободуваат своите играчи кога треба да настапат за националните репрезентации.
Можноста за несакани повреди е главната причина поради која стравуваат и сопствениците на клубот, а последниот случај со тешката повреда на Нејмар дополнително ги разгоре страстите.
Па, се огласи и сопственикот на Наполи, Аурелио Де Лаурентис кој се појави со еден радикален предлог.
„По мое мислење секој кој ќе наполни 32 години повеќе не би требало да игра за репрезентацијата, па ни оние над 28 години. Клубот треба да одлучува дали ќе го испрати играчот во репрезентацијата, клубот мора да има можност да каже ‘не’ ако играчот е повикан за пријателски натпревар, на пример, или пак за некој неважен дуел. Ако ние сме го платиле 50 милиони евра и тој се повреди, репрезентацијата треба да ја плати отштетата за целиот период на отсуство од теренот. Ете погледнете сега со Нејмар“ – вели претседателот на Наполи.
🇮🇹🗣️ Napoli owner De Laurentiis: “In my opinion, 32-year-olds should not play in the national team — but neither should the 28-year-olds!”
“The choice should be left to the club whether or not to send a called up player to the national team… the possibility of saying no if it… pic.twitter.com/pA8fcZm4Mj
— EuroFoot (@eurofootcom) October 19, 2023
Но, јасно е дека овој предлог на Лаурентис ниту од далеку не може да помине, затоа што на крајот и фудбалот и посебно репрезентативните натпревари се за навивачите кои секако не би дозволиле вакво нешто. ФИФА предвидела отштета за повреда на фудбалери за време на репрезентативни собир, па сега ќе исплати на клубот 7,5 милиони евра за отштета поради повредата на Нејмар. Иако, јасно е дека тие суми се далеку од оние кои ги потрошил клубот…
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
