Женската македонска репрезентација во петок, 27. октомври (тренинг центар „Петар Милошевски“) и вторник, 31. октомври против Косово ќе ги одигра натпреварите од групата 5 (2. и 3. коло) во Лигата на нации.
Домашниот натпревар против Косово ќе се одигра во 13 часот на тренинг центарот „Петар Милошевски“ во Скопје, а четири дена подоцна се гостува во Косово. Македонија ќе биде без капитенката Наташа Андонова, и со две интернационалки во составот.
Македонската женска репрезентација на воведниот меч од групата во Лига на нации минимално со 1-0 загуби од Бугарија на домашен терен.
Селекторот на женската репрезентација на Македонија, Кирил Изов за пресметките против Косово ги повика следните фудбалерки:
Голмани: Магдалена Лекоска (Љуботен), Лина Самарџиоска (Вајхо, Шведска), Ведрана Комненова (Скопје);
Одбрана: Ана Милчевска (Самгрело, Грузија), Сара Коларовска (Скопје 2014), Михаела Додевска (Скопје), Кристина Мојсоска (Ас Јунајтед), Едина Сулејмани (Ас Јунајтед), Александра Јовановска (Истатов), Катерина Милеска (Цевитана), Сара Ефтинџиоска (Цевитана);
Среден ред: Драгана Костова (Каменица САСА), Радица Велкова (Тиверија), Александра Марковска (Љуботен), Елма Шемсовиќ (Скопје), Кристина Крстева (Скопје), Хава Мустафа (Шкендија), Оливера Цоклеска (Ас Јунајтед);
Напад: Гентијана Рочи (Купс, Финска), Афродита Салихи (Скопје 2014), Јилза Максути (Ас Јунајтед), Кристина Петрушевска (Истатов), Радица Чонева (Истатов), Бојана Петкова (Љуботен).
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
