Најдобриот светски тенисер Новак Ѓоковиќ никогаш не криел дека од млади години навивал за Црвена Звезда во екипните спортови иако, како што вели, не е дека го мрази Партизан.
Но, очигледно неговата љубов кон Црвена Звезда не влијае, пак, околу одлуката за кого ќе навива неговиот син Стефан кој е луд по црно-белите бои и Партизан.
Па, вчера Новак заедно со синот Стефан и сопругата Јелена ја следеа големата српска пресметка меѓу Партизан и Црвена Звезда во Евролигата која на крај ја доби Партизан со 88-86.
А, токму малиот Стефан не можеше да се воздржи од еуфорична прослава на тројката на Алекса Аврамовиќ за водство од 83-80 која го отвори патот кон победата на црно-белите…
Novak Djovokic’s son celebrates with pure Partizan pride, fueled by Aleksa Avramovic’s three-pointer 🗣️ pic.twitter.com/1US3fARJWU
— BasketNews (@BasketNews_com) October 26, 2023
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
