Италијанските власти продолжуваат со истрагите околу илегално обложување од страна на познати фудбалери на Апенинскиот полуостров. Откако беа завршени истрагите со Николо Фаџоли од Јувентус (осум месеци суспензија) и Сандро Тонали од Њукасл (десет месеци неиграње), вниманието во истрагата сега е насочено кон Николо Заниоло, чие име беше објавено заедно со гореспоменатите при избивањето на скандалот.
Заниоло денеска допатува во Италија и даде исказ пред обвинителите, а неговите адвокати јасно ставија до знаење дека случајот на екс-фудбалерот на Рома е многу понаков од претходните два.
„Николо Заниоло одговори на сите прашања на овинителите, јасно ставајќи до знаење каква е неговата улога. Нема никаков доказ дека тој се обложувал на фудбалски натпревари, Заниоло призна дека повремено играл покер и блекџек на нелегални платформи, но тоа е единственото прекршување на правилата од негова страна. Тој никогаш не навлегол длабоко во овие води, не бил жртва на закани и заплашување, веруваме дека во најскоро време ќе биде затворен случајот против нашиот клиент“, објавија адвокатите на Заниоло.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
