Јувентус во неверојатно драматичен натпревар славеше над Верона со 1-0, за нови три бода со кои „старата дама“ ја продолжува трката за највисок пласман во Серија А. „Црно-белите“ долго се мачеа, имаа и два поништени погодоци со ВАР, за на крајот да стигнат до цел плен со голот што го постигна „резервистот“ Камбијасо во 97. минута.
Првиот погодок беше ремек-дело на Кеан од дваесетина метри, но истиот беше поништен поради милиметарски офсајд. Јуве продолжи да напаѓа, промаши неколку убави шанси, а потоа во вториот дел повторно стрелаше прецизно преку Кеан. Овојпат голот беше поништен поради прекршок од Кеан на средина од теренот на самиот почеток од акцијата, а реакцијата на фаулираниот фудбалер на Верона најдобро говори колку бил сериозен тој старт.
🧐🧐🧐 pic.twitter.com/3gstxfJjVk
— Actualité – Serie A (@ActualiteSerieA) October 28, 2023
И кога сите очекуваа крај, Јувентус во 97. минута конечно стигна до триумф, Милик скокна највисоко, топката удри во дирекот и се врати во поле, а Камбијасо натрча и од половина метар ја смести во мрежата, на огромно задоволство на домашните навивачи на „Алијанц Арена“ во Торино.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
