Вистинско лудило во 10. коло од Серија А на дуелот на Сардинија, каде Каљари со неверојатен пресврт против Фросиноне дојде до првата победа сезонава во шампионатот.
Се до 72. минута, домашните имаа негатива од 0-3, а потоа со четири гола за 20 минути до крајот дојдоа до победа од 4-3.
Избраниците на Клаудио Раниери одиграа лошо прво полувреме, дозволувајќи два гола во својата мрежа, а кога во 49. минута Брешанини зголеми на 0-3 и се чинеше дека тоа е крај за надежите на домаќините.
Но, не мислеа така и фудбалерите на Раниери. Најпрво погоди Ористанио во 72. минута, а потоа и Макумбу, за да вистинска лудница предизвика капитенот Паволети кој израмни на 3-3 во 94. минута… Но тоа не беше крај. Во 96. минута повторно капитенот за целосен пресврт и огромна победа од 4-3 за вистинска еуфорија на Сардинија.
Pavoletti 4-3… What a comeback from 0-3 😲#CagliariFrosinone #Cagliaripic.twitter.com/pPLhZVYMiF
— Angh10V (@nonew091) October 29, 2023
За Калјари ова е прва победа сезонава која го тргна од последното место на табелата.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
