Претседателот на ФИФА, Џани Инфантино го осуди инцидентот во кој пред натпреварот помеѓу Олимпик Марсеј и Лион беше каменуван автобусот на Лион.
Инфантино порача дека „во фудбалот апсолутно нема место за насилство“.
„Ваквите настани, како оние што се случија во Марсеј пред натпреварот од Лига 1 меѓу Марсеј и Лион, немаат место во нашиот спорт или во нашето општество и апелирам до надлежните органи да се погрижат да бидат преземени соодветни мерки“, напиша Инфантино.
Дерби натпреварот од десеттото коло на францускиот фудбалски шампионат меѓу Марсеј и Лион беше откажан откако автобусот на Лион беше каменуван на пат кон стадионот Велодром, при што беше повреден тренерот Фабио Гросо.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
