Дефанзивецот на Челси, Тревор Чалоба би можел да се пресели во Борусија Дортмунд во јануарскиот преоден рок, открива „Билд“. 24-годишниот фудбалер не играше оваа сезона во тимот на „сините“ поради повреда, а во последните месеци се почесто се споменува негово заминување од „Стемфорд Бриџ“ и дека веќе бара нов тим.
Чалоба сака да си замине поради големата конкуренција, со оглед дека Покетино има широк ростер во одбраната. Тука се Дисаси, Силва, Колвил, а го имаат и Бадијашил, како и Фофана. Со тоа тешко дека Чалоба ќе избори место во стартниот тим.
За Англичанецот во минатото имаше интерес од Баерн Минхен, Интер и Јувентус, а сега се вклучува и Борусија Дортмунд. Тој покрај во улогата стопер, одлично се снаоѓа и како последен играч за врска. Има договор со лондонскиот тим до 2028 година.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА