Карло Анчелоти и навивачите на Реал Мадрид можат да здивнат откако Џуд Белингем се појави на синоќешниот тренинг на „кралевите“, не покажувајќи последици од незгодната повреда заработена на неделниот дуел со Рајо Валјекано.
Англиската суперѕвезда го измести рамото во првото полувреме од натпреварот, се стравуваше од подолга пауза, но очигледно проблемот не бил премногу сериозен штом Белингем доби зелено светло од лекарскиот тим на Реал веднаш да се врати на тренинзите со остатокот од тимот.
Мадридските медиујми најавуваат дека Анчелоти нема да ризикува со Англичанецот на утрешниот дуел против Брага, не сакајќи да ризикува компликации со повредата. Сепак, се очекува Белингем да се врати во стартниот тим на Реал веќе викендов, кога „кралевите“ ги очекува дуел против незгодната Валенсија на „Сантијаго Бернабеу“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
