Капитенот на Црвена Звезда, Александар Драговиќ после поразот од Лајпциг во Лигата на шампионите беше самокритичен кон својот тим.
Тој кажа дека во тимот констатно се појавуваат истите грешки, и дека во иднина ќе мора повеќе да се работи, а помалку да се зборува.
„Истиот гол го примивме и во Лајпциг. Како го одигравме првиот дел, тоа ми пречи. Малку е тоа за натпревар во Лигата на шампионите. Ако играме како вечерва, тогаш ќе изгубиме и на гости кај Јанг Бојс. Мораме да бидеме посилни, не само да зборуваме. Ние само зборуваме дека треба да учиме, минаа два месеци, а ништо не сме научиле и цело време само сметаме нешто. Не заслуживме ниту бод, заслуживме да загубиме и го добивме заслуженото“, вели австрискиот репрезентативец.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
