Партизан го претрпе третиот пораз во АБА лигата откако загуби на гостуваањето во Љубљана од Цедевита Олимпија во нова неизвесна завршница. А, проблемите за „црно-белите“ не се само резултатски. Тимот кој се мачи на позицијата плејмејкер остана и без Алекса Аврамовиќ.
Српскиот репрезентативец го заврши натпреварот во првото полувреме во кое доби удар во носот, повреда која се чини дека воопшто не е наивна судејќи по изјавата на Жељко Обрадовиќ на пресконференцијата за медиуми во главниот град на Словенија.
„Алекса е во болница на преглед, изгледа дека му е скршен носот. Многу ситуации, многу крв, многу од се и сешто. Но, тоа е веројатно само составен дел од играта“, изјави Обрадовиќ.
Аврамовиќ и оваа сезона е еден од најзначајните кошаркари на белградскиот евролигаш не само по просекот на поените, скокови и асистенции, туку и по енергијата која ја дава на теренот и борбеноста пред се во одбрната.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
