Шпанското обвинителство побарало од судот на поранешниот играч на Барселона, Дани Алвес му изрече казна затвор од девет години, поради сексуален напад за кој е обвинет.
Како што пренесе шпанската новинска агенција ЕФЕ, обвинителството бара девет години затвор за поранешниот играч на бразилската репрезентација за кривичното дело сексуален напад, и осомничен е дека извршил силување на млада жена во резервирана просторија на ноќен клуб во Барселона минатиот декември.
Според шпанските закони, казната затвор за вакво дело може да изнесува и 15 години. Исто така Обвинителството бара и Бразилецот да исплати отштета од 150.000 евра.
Алвес е во притвор од јануари, а од самиот почеток на аферата отфрла вина, кажувајќи дека девојката доброволно се согласила на секс со него.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
