Фудбалерот на Ливерпул, Алексис Мекалистер изјави дека едвај ги држел очите отворени за време на инструкциите на менаџерот Јирген Клоп до „црвените“ пред дербито од 13. коло во Премиерлигата против Манчестер Сити.
Натпреварот помеѓу Манчестер Сити и Ливерпул заврши со резултат 1-1. „Граѓаните“ поведоа со голот на Ерлинг Холанд во 27. минута, а израмни Трент Александер-Арнолд во 80. минута.
Мекалистер по мечот откри дека добар дел од составот на „црвените“ ги почувствувал последиците од исцрпеноста поради големиот број на натпревари, како и долгото патување и временската разлика со која се соочуваат јужноамериканците по репрезентативните обврски.
„Искрено, тешко е да се игра со ова темпо. Во петокот имавме состанок на кој тактички се подготвивме за мечот со Сити, не можев да ги држам очите отворени. „Многу е заморно – долгото патување предизвикува џет-заостанување, но тоа е што е“, изјави Аргентинецот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
