Кошаркарите на Партизан очигледно не можат без драма сезонава во Евролигата. Во 11. коло црно-белите триумфираа против Панатинаикос по продолжението со 92-87, и покрај тоа што на четири минути до крајот во последната четвртина од регуларниот дел имаа негатива и од 10 поени пред Грците. Но, со неверојатен кам-бек успеаја да се изборат за продолжение а потоа и за победа против грчкиот тим. Петта во единаесеттиот натпревар сезонава за белграѓани.
Првото полувреме мина комплетно израмнето резултатски па на паузата избраниците на Жељко Обрадовиќ заминаа со предност од само еден поени, 38-37.
Но, играта на Партизан се „распадна“ во првиот дел од последната четвртина, па Панатиниакос на четири минути пред крајот имаше и десет поени разлика (63-73). Но, црно-белите не планираа предвремено предавање па со цврста одбрана во континуитет успеаја да дојдат до 76-78 на една минута пред финишот.
Откако гостите промашија напад, на 34 секунди до крајот Кевин Пантер погоди два поени за 78-78, а откако потоа и двете екипи не реализираа се замина кон продолжение.
Önce Panathinaikos sonra Partizan maç topundan yararlanamadı ve maç uzadı 🍿
— Euroleague Time (@euroleague_time) November 30, 2023
А во продолжението комплетно враќање на Партизан за конечна победа од 92-87.
Leday signs off to seal @PartizanBC victory😮✔️#MagicMoment pic.twitter.com/H767HyTDC8
— Turkish Airlines EuroLeague (@EuroLeague) November 30, 2023
Ледеј ги предводеше белграѓани до победата со 23 поени и пет скока, Доужер беше одличен во клучните моменти со 16 поени, а Кевин Пантер дополни со 13 поени. Кај Панатинаикос се издвои Кендрик Нан со 19 поени и пет скока.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
