Кошаркарите на Партизан дојдоа и до седмата победа во Евролигата сезонава, триумфирајќи во нов драматичен натпревар пред своите навивачи со 82-69 против екипа на Милано.
Партизан првото полувреме го заврши со негатива од 39-44, а потоа и во третата четвртина дојде до негатива од 15 поени.
Но, клучно за триумфот на црно-белите беше неверојатната серија од 31-4 која започна во последните четири минути од третата четвртина и продолжи низ последниот период од играта. Па, Партизан од негатива од 15 минути, со таа серија успеа да дојде до +12 поени (76-64), што ја најави и конечната победа на крај од 82-69.
Најдобар кај Партизан беше Кевин Пантер со 19 поени, а Зак Ледеј заврши со 15 поени. Кај Милан, Шејвон Шилдс заврши со 19 постигнати поени.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
